KHAWATEEN MAIN MUSHT ZANI (FEMALE MASTURBATION)

Khawateen Mein Musht Zani:

(Female Masturbation)

Mardon ki tarhan aurtein bhi sexual satisfaction kay liye khud lazzati karti hain. Famous researcher Kinsey ka mutabiq mardon kay muqabley mein aurtein kam musht zani(masturbation) karti hain. Hite kay survey kay mutabiq 82% American khawateen musht zani (female masturbation) karti hain jab kay 95% orgasm hasil kar leti hain. Interesting baat yeh hai kay mard baloghat kay ibtedai daur mein zyada musht zani (masturbation) kartey hain jab kay American khawateen zyada tar 30 years ki age kay baad musht zani (masturbation) karti hain. Ek aur survey kay mutabiq America mein musht zani (masturbation) karney wali 18 years ki girls ki taadaad 59% hai jab kay 18 years kay boys ki ta'adad 80% hai. Ek aur report kay mutabiq west mein zyada ter khawateen 40 ya 50 years ki age mein zyada musht zani (masturbation) karti hain. 1985 ki ek research ka mutabiq America mein 66% un-married aur 56% married khawateen musht zani (masturbation) karti hain.

    America mein aurton ko musht zani (masturbation) ki baqaida training di jati hai takay agar husband wife ko satisfy na kar sakey to woh khud hi apney aap ko jinsi sukoon muhayya kar lein. Pakistan mein khawateen mein musht zani (masturbation) ki aadat kam hai. Merey paas sirf ek larki iss masley kay elaj kay liye aaee. Tahem meri ek student khatoon mahir e nafsiyat ka khayal hai kay hamarey yahan bhi khawateen mein musht zani (masturbation) kuch kam nahi. Aurtein mubashrat (Intercourse) mein taqreeban 5 to 10 minute mein orgasm hasil karti hain. Sherry Hite kay survey kay mutabiq musht zani (masturbation) mein aurtein usually 4 minutes mein orgasm hasil kar leti hain.  

    Aam logon ka khayal hai kay aurtein zyada tar vagina mein koi cheez insert kar kay musht zani (masturbation) karti hain. Jab kay haqeeqat mein aisa nahi. Kinsey aur Hite ki research aur doosrey survey ka mutabiq zyada tar aurtein bazer (Clitoris) ko stimulate kar kay musht zani (masturbation) karti hain kyun kay yeh aurton ka sexually sab sey sensitive part hai.

 Bazer (Clitoris) aurat kay vulva kay labia minora kay bilkul ooper waley hissey mein chicken ki kalghi ki tarhan hota hai. Jo sexually stimulation mein hard ho jata hai aur orgasm hasil karney sey pehley ek dam dheela ho jata hai. Hite kay survey kay mutabiq sirf 1.5% American khawateen vagina mein koi cheez insert kar kay musht zani (masturbation) karti hain.

    Agarcha zyada tar aurtein bazer ko mushtael (Clitoral Stimulation) kar kay orgasm hasil karti hain. Hite kay survey kay mutabiq kuch American khawateen vagina kay ander bhi koi cheez insert karti hain. Bohut thori ta'adad anus aur urethra mein koi cheez insert kar kay bhi jinsi lutf hasil karti hai. Anus aur urethra mein koi cheez insert karna khatarnak ho sakta hai. Iss sey har surat bacha jai.

Khawateen Ka Ehtelam:

(Female Nocturnal Emission)

 Jis tarhan mardon ko ehtelam hota hai issi tarhan aurton ko jinsi khwab aatey hain. Iss kaifiyat mein aurat kay bazer (Clitoris) ka size zyada ho jata hai aur vagina mein lubrication  paeda ho jati hai aur aurat orgasm hasil kar leti hai. Iss soorat mein aurat per ghusl farz nahi hota. Lekin agar aurat kay vagina sey pani kharij ho jaey to ghusl farz ho jata hai. 

Hazrat Umm e Salmah farmati hain kay unhoney arz kara kay Hazrat Muhammad(P.B.U.H)! Allah haq baat karney sey haya nahi farmatakiya jab aurat ko ehtelam ho to usper nahana wajib hai. Hazrat Muhammad (P.B.U.H) ney farmaya han, jab pani dekhey (Bukhari, Muslim) taham iss sey roza nahi tootta.