PREMATURE EJACULATION (SURAT-E-ANZAAL)

PREMATURE EJACULATION (SURAT-E-ANZAAL)

Azdawaji zindagi ko khushgawar bananey mein aurat ka kirdaar bohut ahem hai biwi kay bharpoor ta'awwun sey azdawaji zindagi jannat ka namoona ban jati hai aur adum ta'awwun sey jahannum. Agar biwi khawand sey ta'awwun karey to usey koi jinsi masla nahin ho sakta agar ho jaey to biwi ki madad sey bohut aasani sey hal ho sakta hai mardon kay jitney bhi jinsi masail hain un ko poori dunya mein biwi kay ta'awwun sey aasani sey hal kya ja raha hai. Mardon ka ahem jinsi masla surat e inzal (premature ejaculation) hai iss sey muraad yeh hai kay mard waqt sey pehley manzil ho jata hai ba'az mahireen ka kahayal hai kay agar kisi mard ka dakhool kay 30 second ba'ad inzal ho jaey to usey iss masley ka shikar samjha jaey ga. Ek aur mahir kay mutabiq agar koi mard dakhool kay ba'ad ek minute sey pehley manzil ho jaey to usko yeh masla hai. Master aur Johnson kay mutabiq agar koi mard mubashrat mein apni biwi ko kam az kam 50% tak orgasm hasil na kara sakey to usko surat e inzal ka masla hai merey khayal mein sab sey achi ta'areef Dr.Helen Kaplan ki hai iss kay mutabiq agar mard ko apney inzal per control hai yani woh apni marzi sey manzil ho to woh surat e inzal ka shikaar nahin agar usey inzal per control nahin to usey surat e inzal ka mareez samjha jaey ga.

Yeh masla poori dunya mein aam hai ek research kay mutabiq America mein taqreeban 33% mard iss ka shikar hain humarey haan aksar mardon ko yeh masla hai jis ki wajah sey woh apni biviyon ko mutmaen karney mein na kaam rehtey hain nateejatan biwiyan jinsi zindagi mein na sirf dilchaspi kho deti hain bul kay woh sex sey hi bey zaar ho jati hain. Iss masley mein kuch mard dakhool kay ba'ad 2, 4 stroke laganey kay ba'ad manzil ho jatey hain aur kuch daakhil kartey hi aur ba'az dakhool sey pehley aur kuch foreplay kay doran mazil ho jatey hain aur ba'az afraad aisey hain jo baghaer tanau (erection) kay hi manzil ho jatey hain. Iss kay baad khawand sharmindagi ki wajah sey mubashrat sey bachta hai phir kafi dinon kay baad mubashrat karta hai itney arsey mein mani ki naaliyan mani (seminal fluid) sey bhar jati hain jis ki wajah sey ma'amooli jinsi ishte'aal ki wajah sey woh phir waqt sey pehley manzil ho jata hai agar yeh masla der tak rahey to kuch afraad iss ki wajah sey nafsiyati na mardi ka shikar ho jatey hain. Premature ejaculation ki wajoohaat kay barey mein bohut research ho chuki hai Master & Johnson aur doosrey mahireen kay mutabiq surat e inzaal ki wajah taqreeban 100% nafsiyati hoti hai jismani wajah bohut hi kam hoti hai ta'hum khush kun baat yeh hai kay biwi ki madad sey iss kay elaj ki kamyaabi ki sharah taqreeban 90% hai.

Premature ejaculation ki wajah sey aurtein bharpoor jinsi lutf sey mehroom rehti hain agar aap kay mian ko surat e inzal ka masla hai to aap uski madad kar kay apni azdawaji zindagi ko bohut khushgawar bana sakti hain aap mandarja zael tareeqon ki madad sey apney khawand kay surat e inzal kay masley ko hal kar sakti hain.

TREATMENT OF PREMATURE EJACULATION

• Sab sey pehley aap kay mian sex kay hawaley sey humarey mua'ashrey mein phaeley huey jinsi mughalto'n aur ghalat mafroozo'n sey nijaat hasil karein iss kay liye humari kitab 'Sex Education…Sab Kay Liye' ka muta'alla bohut mufeed rahey ga.
• Mubashrat kay doran waqfa zyada na ho waqfa jitna lamba hoga mard itni jaldi manzil ho jaey ga le'haza iss masley kay khatmey kay liye haftey mein kam az kam do baar mubashrat honi chahiyie.
• Agar mian ki umar 60 saal sey zaed hai to kam az kam haftay mein ek baar. Agar khawand jald manzil ho jaey to kisi nagawari ka izhaar na karein, tanqeed na karein, koi tanzya fiqra na bolein merey ek client ki biwi ney isi tarah ek moqa per kaha "agar aap achi tarah nahin kar saktey to phir karney ki koshish hi kyun kartey hain" iss tanzya fiqrey ki wajah sey na sirf uss ka masla barh gaya bul kay uss ko tanau ka masla bhi paeda ho gaya aur aen dakhool kay waqt uss ka tanau khatam ho jata hai.
• Aisi surat mein aap uski hosla afzaee karein, uss ka aetmaad bahaal karein aap kay iss masbat aur hosla afza ravayyey ki wajah sey woh kafi behter ho jaey ga.
• Aap taweel foreplay karein iss doran mian aap kay hassas hisson (female genitalia) khusoosan bazer ko khoob mushtail karein agar usey iss cheez ka ilm nahin to aap khud hi apney bazer ko mushta'el karein iss kay elawa mian kay zakar aur khusyon ko na chuein jab bhi mian inzal kay qareeb ho to woh aap ko ishara kardey to aap uss kay zakar ko topi kay neechey ya bilkul jarr sey pakarr kar zor sey dabaein to uski inzal ki khwahish khatam ho jaey gi, itni der dabaey rakhein kay inzal ki khwahish khatam ho jaey magar tanau khatam na ho. Dakhool uss waqt ho jab aap orgasm kay bilkul qareeb hun mumkin hai dakhool sey pehley kaee baar aap ko iss amal ko dohrana parey.
• Mubashrat sey pehley foreplay ko taweel karlein taqreeban 30 ta 45 minute iss doran aap ka khawand aap kay pasandeeda tariqey sey aap ko jinsi tor per mushta'el karey khusoosan woh aap kay bazer ko apni chikni ungli sey musalsal mushta'el karey usey iss cheez ka ilm nahin aur aap usey bata bhi nahin saktiin to phir aap khud apni chikni ungli sey apney bazer ko mushta'el karein hatta kay aap orgasm kay bilkul qareeb pohonch jaein to ungli hata lein aur mian daakhil kar dey iss tarah ek do stroke laganey sey aap orgasm hasil karleingi aur woh bhi manzil ho jaey ga.
• Dakhool kay ba'ad mian stroke na lagaey bul kay saakat rahey aur paet sey lambey saans ley saath hi aap kay bazer ko apni chikni ungli sey mushta'el karey ya woh aap kay jinsi lubo'n kay bilkul ooper waley hissey ko jis kay neechey bazer hota hai apney angoothey aur ungliyon mein pakrey aur bar bar bhee'nchey. Mian kay elawa aap khud bhi yeh kar sakti hain inn teenon soorton mein jab aap orgasm kay qareeb pohonch jaein to mian ko ishaara kar dein phir woh taez stroke lagaey to aap jald orgasm hasil karleingi aur mian bhi manzil ho jaey ga.
• Dakhool kay ba'ad hab aap ooper hun to aap ooper neechey harkat na karein amooman mard zakar faraj kay ander baher harkat karney ki wajah sey manzil hota hai le'haza aap ooper neechey ya ander baher harkat karney ki bajaey aagey peechey harkat karein, apni hips ko chakkar ki surat mein ghumaein ya daein baein harkat dein aap iss tarah harkat karein kay aap kay mian kay zakar ki jarr aap kay bazer ko press karey iss doran mian stroke na lagaey to aap orgasm hasil kar leingi. mubashrat mein agar aurat ooper (woman on top) ho to mard ko inzal per nisbatan zyada control hasil hota hai ta'hum har fard doosrey sey mukhtalif hai kisi ko missionary tariqey mein zyada control hasil hota hai.
• Mubashrat ka aaghaz foreplay sey karein kuch foreplay kay ba'ad mian zakar daakhil kar dey aur saakin rahey magar is kay saath woh aap kay bazer ko chikni ungli sey mushta'el karey aap khud bhi kar sakti hain agar mian inzaal kay qareeb ho to woh ishara kar dey to aap uss kay zakar ki jarr pakarr kar zor sey dabaein itni der dabaein kay inzal ki khwahish khatam ho jaey aur tanau bhi bohut kam ho jaey to mian ek do stroke lagaey to tana'u bahaal ho jaey ga. Hasb e zaroorat iss tareeqey ko kaee baar dohraya ja sakta hai jab aap orgasm kay qareeb pohonchein to mian ko ishara kar dein woh 2, 4 taez stroke lagaey to aap orgasm hasil karleingi agar kabhi woh aap sey pehley manzil ho jaey to phir bhi relax rahein aur mian sey alaehda na hun inzaal kay ba'ad bhi mard kay zakar ki jarr sey ragrrein to aap orgasm hasil karleingi warna apni chikni ungli istaemaal karein aur orgasm hasil kar lein.

Chinese Treatment:

• Iss silsiley mein ek aur bohut muasser tariqa hai iss ko Chinese tariqa kaha jata hai amooman inzaal kay waqt mard kay khusyon ki goliyan ooper chali jati hain agar inn ko ooper na janey diya jaey to amooman inzaal ruk jata hai. Iss kay liye dakhool kay ba'ad aap bohut pyar sey mian kay khusyon ko bilkul ooper sey pakar lein dakhool ki khwahish mehsoos karey to woh aap ko ishara karey to aap uss kay khusyon ko ahista ahista pyar kay sath neechey ko khaench lein aur thori der (10 ta 30 second) khae'ncheiy rakhein hatta kay uss ki inzal ki khwahish khatam ho jaey iss tareeqey ko hasb e zaroorat kaee baar istaemaal kya ja sakta hai khusyon ko neechey khaenchtey waqt uss kay zakar ko hargiz na chuein.
• Yeh doosra Chinese tariqa hai iss mein dakhool kay ba'ad khawand jab inzal ki khwahish mehsoos karey to woh ishara kar dey to aap apney hath ki shahadat aur bari ungli sey uski maq'ad aur khusyon (testicles) kay darmyan wali jagah ko zor sey dabaein saath hi mian paet sey lambey saans ley aap iss jagah ko itni der dabaey rakhein hatta kay inzaal ki khwahish khatam ho jaey.
• Agar aap bharpoor andaz sey kegel mushq kar lein jis ki madad sey aap apney PC muscles ko bohut zor sey khaench sakein agar aap rozana 50 bar yeh mushq karein to aap ko iss qadar control ho jaey ga kay aap apney PC muscles ki madad sey apni faraj kay dahaney kay muscles sey mian kay zakar ko bhee'nch kar (hath ki tarah) us kay inzal ko rok sakein gi ta'hum itney control kay liye zyada mushq ki zaroorat hai.
• Amooman jab mard manzil ho jata hai to phir sharmindagi ki wajah sey dobara jald koshish nahin karta haala'n kay agar woh dobara koshish karey to woh jald manzil na hoga iss surat mein ba'az auqaat mard kay zakar mein dobara tanau paeda nahin hota jab kay 40 saal ki umar tak amooman 15 minute sey ek ghanta kay ander mard ka zakar dobara tunn jata hai aur woh mubashrat kay liye tayyar ho jata hai.

Agar aap ka mian jald manzil ho jaey to usey hosla dein aur dobara mubashrat zaroor karein iss kay liye mandarja zael tariqey istaemaal kiye ja saktey hain.

1. Uss ki hosla afzaee karein aur uss kay zakar ko garam kaprey sey maslein to tanau paeda ho jaey ga.
2. Bohut sey mard nipples per zubaan phaerney ya saarey jism per hath phaerney aur sehlaney sey phir jinsi amal kay liye tayyar ho jatey hain le'haza agar khawand manzil ho jaey magar aap ney orgasm hasil nahin kya to apni zubaan ko uss kay nipples per phaerein aur usko choosein, sath hi saarey jism per hath phaerein to woh dobara mubashrat kay liye tayyar ho jaey ga.
3. Apney nangey jism ko uss kay jism kay sath press karein mian kay jism ko yahan wahan thapthapaein bos o kinar (kissing) karein iss sey pehley uski mardana quwwat ki ta'areef karein.
4. Iss tariqey ko bazaari aurtein kamyaabi sey istaemaal karti hain mubashrat mein jab aap ooper hun aur mian manzil ho chuka ho magar aap ney abhi orgasm hasil nahin kya to foran mian sey alaehda na hun apney aap ko thora sa ooper ko uthaein magar mian kay zakar ki topi faraj kay ander hi rahey. Iss surat mein aap apney PC muscles ki madad sey faraj ko bar bar bhee'nchein iss kay sath hi ek hath sey uss ki raanon aur paet ko sehlaein, thapthapaein aur doosrey hath sey zakar ki dheeli jild ko ooper neechey harkat dein aur sath sath zakar ka woh nichla hissa jo baher hai usko pyar sey dabaein, maslein, chaerein, mushta'el karein to jald hi tana'u paeda ho jaey ga kuch tanau paeda honay kay ba'ad aap ooper neechey chund stroke lagaein to phir bharpoor tanau paeda ho jaey ga.
5. Mard kay zakar kay tanau ka markaz uss ki reerh ki haddi kay nichley 7 ta 9 inch mein hota hai tanau kay liye iss jagah per poorey hath sey zor kay sath thartharaney kay andaz mein daba'u daalein iss jagah ko ungliyon ki poro'n kay sath chakkar ki surat mein sukhti kay sath rugrrein aur malein thori der aisa karney sey mard dobara mubashrat kay liye tayyar ho jata hai.
6. Khawand ko dobara mubashrat kay liye tayyar karney ka yeh ek mu'asser tariqa hai inzal kay ba'ad uss kay zakar ko kaprey sey saaf karein aur usey apney donon pao'n kay tulwo'un kay darmyan pakarr kar doodh baloney ya hath mulney ki tarah maslein woh jald tana'u hasil kar ley ga.
7. Iss sey milta julta ek aur bhi mu'asser tariqa hai isey bhi aazmaya ja sakta hai khawand ki mardaangi ki taaref karein, uss kay jism ko sehlaein, pyar karein aur phir uss kay zakar ko apni donon hutheliyon mein pukrein aur doodh buloney ya hath mulney ki tarah mulein thori der mein woh mubashrat kay liye tayyar ho jaey ga.
8. Mubashrat kay liye mard ko tayyar karney kay yeh sab tariqey mu'asser hain lekin agar khawand ki umar 40 saal sey ooper hai to phir shayad woh ussi waqt mubashrat kay liye tayyar na ho iss surat mein uss waqt ki bajaey agley din mubashrat ki jaey aur agar mian tayyar na ho to mazkoora baala tariqon sey aap usko tayyar kar sakein gi agley din inzal jald na hoga.

Bhee'ncney ya dabaney ka tariqa (squeeze technique) yeh tariqa sirf iss surat mein kamyaab ho sakta hai jab biwi bharpoor taawwun karey mushq kay liye kisi pursukoon jagah ka intikhab karein khawand bister per apni pusht per laet jaey uss kay ghutney kharey hun. Biwi khawand ki taangon kay darmyan mein iss tarah bethey kay uski taangein mian kay dhurr kay donon taraf hun aur bichi hui lambi hun mian ki taangein biwi kay koolhon kay baher hun iss kay paon bister per flat hun biwi saharey kay liye bister per taek laga ley. Ab woh main kay zakar ko apni mutthi mein ley aur darmyani raftaar sey usey mushta'el karey jab zakar poori tarah tunn jaey to woh zakar ko angoothey aur do ungliyon sey iss tarah pakrey kay angootha zakar kay neechey jhilli, jahan topi (hashfa) aur shaft miltey hain, per hun aur angoothey kay mukhalif samt mein ek ungli topi kay ooper ho aur doosri uss kay neechey. Jab zakar poori tarah tunn jaey to biwi zakar ko 3 ta 4 second kay liye zor sey bhee'nchey hatta kay uss kay inzal ki khwahish khatam ho jaey iss sey tana'u mein bhi kuch kami (10 ta 30 second) ho jaey gi. 15 ta 30 second kay waqfey kay ba'ad biwi phir zakar ko mushta'el karey jab tana'u bharpoor ho jaey to ooper waley tareeqey sey zakar ko zor sey bhee'nchey iss tarah pehley session mein 4, 5 baar yeh mushq ki jaey session kay aakhir mein yani paanchvi baar khawand inzaal hasil karley yani biwi ishte'aal jari rakhey warna prostate mein jalan aur sozish ho jati hai. Yeh session 15 ta 20 minute ka hosakta hai. Jab mian darmyani raftaar sey 5 minute musalsal ishte'aal sey manzil na ho to agla qadam mubaashirat hai biwi pehley ki tarah mian kay zakar ko mushta'el karey, bharpoor tana'u per zakar ko pehley ki tarah angoothey aur do ungliyon sey 3/ 4 second kay liye dabaey 3/ 4 bar yeh mushq karney kay ba'ad ab mian taangein seedhi kar ley aur biwi uss kay ooper bethey thora sa aagey ko jhuk kar zakar ko faraj mein daakhil karney kay ba'ad peechey ko ho jaey us ka wazan apni taangon per ho. Dakhool kay ba'ad biwi saakin rahey agar mian ko inzal ka khatra ho to woh ishaara kardey to biwi neechey utrey aur zakar ko pehley ki tarah 2/3 second kay liye zor sey bhee'nchey inzaal ki khwahish khatam honay per biwi phir pehley ki tarah zakar ko faraj mein daakhil karey iss doran khawand faraj mein dakhool kay ehsaasaat sey poori tarah aagah ho jaey.

Chund din ki mushq kay ba'ad mian itney jhatkey lagaey kay uska tana'u barqaraar rahey kyun kay dakhool kay ba'ad agar donon ghaer mutaharrik hun to thori der kay ba'ad tana'u kam ho jata hai amooman 2/3 din mein mian dakhool ki iss kaifiyat mein baghaer inzaal kay kafi der reh sakta hai. Jab khwand ka control mazeed behter ho jaey to phir biwi ooper bethey, paeruu ki madad sey jhatkey lagaey inzal sey kafi der pehley rukk jaey aur agar inzal kay qareeb ho to pehley ki tarah alaehda ho kar zakar ko bhee'nchey inzal ki khwahish khatam ho jaey to phir khawand neechey sey stroke lagaey, inzal kay kafi der pehley rukk jaey, phir stroke lagaey aur rukk jaey jab woh inzal huey baghaer mualsal 5 minute sroke laga sakey to phir biwi neechey khawand ooper wala tariqa (missionary tariqa) istaemaal kiya ja sakta hai amooman 2/3 hafton mein kafi control hasil ho jata hai. Mukammal control kay liye zyada waqt bhi lag sakta hai ta'hum kam az kam ek baar bhee'nchney kay tariqey ko istaemaal kar liya jaey iss mushq sey chund dinon mein fard itna control hasil kar leta hai kay 15/20 minute ka sex play ho to woh manzil na hoga.

NOTE:

• Yeh mushq haftey mein 4/5 baar ki jaey aur 30 minute kay liye kii jaey.
  
  
• Donon mian biwi kay kaprey utrey hun.
• Iss doran mubashrat aur khud lazzati (masturbation) per mukammal paabandi hogi.
• Sukht sey sukht daba'u sey bhi zakar ko koi nuqsaan nahin pohonchta.
• Agar pehli bar foran inzal ho jaey to bhi khawand relax rahey aur ½ ghntey kay ba'ad yeh mushq dobara ki jaey.
• Yeh tariqa Master and Johnson ka tariqa kehlata hai aur poori dunya mein kamyabi sey istaemaal ho raha hai.

START AND STOP METHOD:

Donon mian biwi apney kaprey utar lein thori der pyar o mohabbat karein jab khawand ko tanau (erection) aa jaey to phir woh aankhein bund kar kay pusht per laet jaey biwi uss kay koolhon kay baraber ek side per beth jaey aur mian kay akrey zakar ko apney hath mein pakrey aur darmyani raftaar aur ek khaas rhythm kay sath apney hath ko ooper neechey harkat dey. Inzal sey thoei der pehley mian ishara karey to biwi 5 ta 20 second kay liye rukk jaey jab mian ki inzal ki khwahish khatam ho jaey to phir biwi mian kay isharey per dobara zakar ko mushta'el karey inzal kay qareeb phir rukk jaey iss tarah 3 bar yeh mushq ki jaey aur chothi baar inzal ho jaey. Jab khushk hath sey aap musalsal 5 minute uss kay zakar ko mushta'el karein aur woh manzil na ho to phir yehi mushq chikney hath sey karein hath ko crème waghaera laga lein aur phir pehley ki tarah khawand kay zakar ko mushta'el karein inzal kay qareeb khawand kay.  ishaarey per 5 ta 20 second kay liye rukk jaein jab inzal ki khwahish khatam ho jaey to phir dobara ishte'aal shuru karein teen baar isi tarah karein aur chothi baar usey inzaal karwadein. Jab baghaer inzal kay aap 5 minute chikney hath sey musalsal mushta'el kar sakein to phir agla qadam uthaein ab aap khushk hath sey wahi mushq karein magar ab inzal kay qareeb rukna nahin bul kay ahista ho jana hai. Inzal ki khwahish khatm honay per mian kay ishaarey per ishte'aal ki raftaar kuch taez kar dein iss tarah teen baar karein aur chothi baar ishte'aal jari rakhein hatta kay woh manzil ho jaey.

Jab aap ek do baar raftaar kam kar key musalsal 15 minute usko mushta'el karein aur woh manzil na ho to agla qadam uthaein iss mein ab wahi mushq chikney hath sey karein yani mian kay zakar ko chikney hath sey mushta'el karein inzaal kay qareeb uss kay ishaarey per raftaar sust kar lein inzaal ki khwahish khatam honay per harkat ko taez kar dein iss tarah teen baar karein aur chothi baar usey manzil kardein. Jab aap inzal kay baghaer ek do baar raftaar kam kar key 15 minute musalsal chikney hath sey yeh mushq kar sakein to agla qadam mubashrat ka hoga iss kay liye pehley foreplay karein jab tana'u poora aa jaey to mian aankhein bund kar kay pusht per laet jaey aap uss kay ooper sawaar ho jaein aap ka wazan aap ki taangon per ho. Zakar ko faraj mein daakhil karein iss kay liye hath na lagaein dakhool kay ba'ad aap ney hilna nahin bul kay saakin rahein aur thori der sukoon sey bethi rahein jab mian control hasil kar kay pur aetmaad mehsoos karey to woh aap kay koolhon per hath rakhey aur aap ko ooper neechey harkat karney ka ishaara karey. Inzaal kay qareeb mian kay ishaarey per rukk jaein mian ki inzaal ki khwahish khatam honey per phir aap ooper neechey harkat karein teesri baar mian manzil ho jaey. Jab aap yeh mushq ek do stop kay sath musalsal 15 minute kar sakein to phir dakhool kay ba'ad aap sakin rahein aur ab mian neechey sey harkat karey inzaal kay qareeb rukk jaey dobara yehi mushq karey aur teesri baar woh manzil ho jaey ab yehi mushq chikni faraj kay sath karein yani itna foreplay karein kay aap ki faraj chikni ho jaey ya phir zakar ko chikna kya jaey dakhool kay ba'ad mian neechey sey harkat karey inzaal kay qareeb rukk jaey ya aahista ho jaey dobara yehi mushq karey aur teesri baar manzil ho jaey yehi mushq jab chikni faraj kay sath ek do baar raftaar kam kar kay musalsal 15 minute ki ja sakey to mard ki pasand ki position kay sath start and stop ki mushq ki jaey. Jab iss surat mein ek do stop kay sath 15 minute musalsal control hasil ho jaey to phir yehi mushq taez aur aahista kay andaz mein ki jaey.

NOTE:

• Mushq kay liye aadhey ghantey sey ley kar ek ghanta waqt makhtus karein behter hai kay waqt muqarrar bhi ho.
• Yeh mushq haftey mein 2/ 3 bar ki jaey 3 baar sey zyada ho to behter, do baar sey kam ho to ghaer mu'asser.
• Agar shuru mein khawand jald manzil ho jaey to phir aadhey ghantey kay ba'ad mushq ki jaey.
• Pehley hissey mein mubashrat nahin karni aur khud lazzati bhi mana hai.
• amooman 8/10 hafton mein mukammal control hasil ho jata hai ya kabhi pehley bhi kabhi kuch der ba'ad bhi.
• Agar mian aap ki madad sey iss masley per control hasil na karsakey to phir kisi achey mahir e nafsiyat sey elaj karaey.

Read More

SEX AND OLD AGE (BURHAPA OR JINSI ZINSI ZINDAGI)

SEX AND OLD AGE

BURHAPA OR JINSI ZINSI ZINDAGI)

Sunyaas (menopause) kay qareeb baeza daaniyon ki kaarkardagi batadreej kam honay lagti hai jis ki wajah sey jinsi hormone estrogen ki paedawar bhi ahista ahista kam honay lagti hai estrogen ki kami ki wajah sey aurat kay jinsi a'aza'a (female genital organs) mein kaee tabdeeliyan aa jati hain faraj ki deewarein jo pehley moti aur lachakdaar hoti hain ab patli, ghaer lachakdaar aur stiff ho jati hain ab faraj mubashrat kay doran jhatkon ko pehley ki tarah bardaasht nahin kar sakti. Iss kay elawa masaney aur peeshab ki nali mein sozish ho jati hai jis ki wajah sey boorhi aurton ko mubashrat kay foran ba'ad peeshab karney ki zaroorat parti hai aur faraj choraee aur lambaee donon atraaf mein sukarr jati hai. Baerooni lub bhi sukarr jatey hain iss tarah faraj kay dahaney mein khincha'u paeda ho jata hai jis ki wajah sey zakar ka dakhool nisbatan mushkil ho jata hai aur poorey size kay zakar ka faraj mein samana mushkil ho jata hai. Menopause kay 5 saal ba'ad faraj ki chiknahat aur ratubat kafi kam ho jati hai jis ki wajah sey mubashrat aurat kay liye mushkil aur takleef deh ho sakti hai. Hormones kay ghaer mutawazan honay ki wajah sey orgasm kay waqt faraj ka sukrao iss qadar takleef deh hota hai kay aurat mubashrat sey pehlootahi aur ijtenaab karti hai ta'hum aurat 80 saal ki umar mein bhi orgasm hasil karney ki wahi salahiyat rakhti hai jo woh 30 saal ki umar mein rakhti thi. Inn haalaat mein kamyaabi kay kaee tariqey hain le'haza mayoos na hun ba'az doctor menopause kay ba'ad khawateen ko Estrogen Replacement Therapy tajweez kartey hain ek saada hal yeh hai kay faraj ki ratoobat ki kami ko poora karney kay liye jaraseem sey paak masnooee chiknaahat istaemaal ki ja sakti hai yeh baat bhi samney aaee hai kay iss masley ki bari wajah jinsi sargarmi maslan mubashrat waghaera ki kami hai.

Master aur Johnson ki tehqeeq kay mutabiq woh aurtein jin ki jinsi sargarmi kam ho (ek maah mein ek baar ya kam) aur woh baqaeda khud lazzati bhi na karti hun to 60 saal ki umar kay ba'ad woh mubashrat mein takleef (painful intercourse) mehsoos karti hain aur woh aurtein jo baqaeda mubashrat karti hain (haftey mein ek ya do baar) un ko mubashrat mein koi takleef na hogi. Iss liye Master & Johnson iss baat per zor detey hain kay khawateen ko inn aur ba'az doosri wajoohaat ki wajah sey zyada umar mein bhi baqaedgi sey sex karni chahiyie. Le'haza burhapay mein jinsi amal ko jari rakhney ka inhisaar saabqa jinsi sargarmiyon aur ba'az doosri nafsiyati wajoohaat per hai mard aur aurat donon kay liye jismani wajoohaat ka kirdaar zyada ahem nahin. Burhapey mein mardon mein bhi testosterone ki paedawar mein kami aa jati hai jis ki wajah sey mard ko pehlay ki tarah fori tanau (instant erection) nahin hota bul kay iss umar mein amooman tanau (erection) der sey aata hai mardon ko iss silsiley mein pareshan honay ki zaroorat nahin kyun kay yeh ek bilkul fitri amar hai iss sey biwi yeh nateejah na nikaley kay mian ko tanau ka koi masla hai. Khawateen ko yeh ilm bhi hona chahiyie kay ba'az auqaat mardon ko tanau kay liye biwi ki madad ki zaroorat hoti hai yani biwi ko tana'u kay liye mard kay zakar ko mushta'el karna hoga yeh bhi ek normal cheez hai. na kay kamzori ta'hum iss sey khawateen yeh na samjhein kay mard mein jinsi khwahish/taaqat kam ho gaee hai.

  Humarey haan boorhey logon ki jnsi zindagi kay hawaley sey logon ki raa'ey bilkul manfi hai aksar logon ka khayal hai kay 60 saal kay ba'ad boorhey logon ko sex ki zaroorat nahin aur 70 saala jorey kay jinsi amal ko bohut ghaer shaista samjha jata hai aur iss umar mein khud lazzati ko to bohut hi bura samjha jata hai. Bohut sey mard 70 saal ki umer mein biwi kay adum ta'awwun ki wajah sey khud lazzati per majboor hain aam logon ka yeh khayal bhi hai kay burhapey mein fard jinsi amal kay qabil hi nahin rehta aksar boorhey iss ghalat khayal ki wajah sey apni jinsi sargarmiyon ko mu'attel kar detey hain jis ki wajah sey kuch arsey ba'ad woh jinsi amal kay qabil hi nahin rehtey kyun kay jis cheez ko istaemaal na kya jaey (jismaani uzu) to kuch arsey ba'ad woh istaemaal kay qabil nahin rehti. Jab kay haqeeqat yeh hai kay boorhon ko bhi jawanon ki tarah sex ki zaroorat hai aurat ki sehat kay liye orgasm mufeed cheez hai agar mian biwi sehat mand hain to martey dam tak woh jinsi amal kay qabil hotey hain khusoosan aurton ko to jinsi amal mein koi diqqat paesh nahin aati kyun kay unn ko mardon ki tarah tana'u ki zaroorat nahin agarcha jinsi hormone ki kami ki wajah sey aurat aur mard donon ki jinsi khwahish (libido) kuch kam ho jati hai aur mard ko foran tana'u nahin hota aur na hi jawani ki tarah zyada sukht hota hai magar jinsi amal kay liye kafi hota hai iss tarah jawani mein aurat ki faraj mein 10 ta 30 second mein ratoobat aa jati hai magar burhapey mein 5 minute tak lag jatey hain beemari ki wajah sey ba'az auqaat jinsi amal mein ta'attul aa sakta hai magar jinsi amal kay na honay ki wajah sey jinsi salahiyat main kami aa jati hai jinsi amal na kar sakney ki bari wajah kam jinsi amal ya tark e mubashrat hai na kay koi jismaani kharabi.  Boorhey logon ki ek research sey ma'aloom hua kay unn mein 75% ghaer fa'aal hain. 3, 4 saal ba'ad unn kay interview sey ma'aloom hua kay inn mein 14% ney dobara fa'aal zindagi ikhtyar karli aur baqi ghaer fa'aal rahey jis sey yeh baat samney aaee kay ghaer fa'aal jinsi zindagi kay ba'ad jinsi tor per fa'aal hona ek mushkil amar hai. Master & Johnson ney iss baat per zor diya kay burhapey mein achi jismani aur zehni sehat kay liye jinsi sargarmi zaroori hai.

Burhapey mein jinsi sargarmi ko bahaal rakhney kay liye 2 anaasir bohut ahem hain. 

1. Achi jismaani aur zehni sehat:

mahireen kay mutabiq woh mian biwi jo burhapey mein mubashrat jari rakhtey hain inn ki zehni aur jismaani sehat behter hoti hai.

2. Jawani mein jinsi amal mein baqaedgi:

woh mian biwi jo jawani mein haftey mein ek do baar khusoosan aisi khawateen ko burhapey mein kisi takleef ka samna nahin karna parta woh mian biwi jo jawani mein ek maah mein ek aadh baar jinsi sargarmi mein hissa letey hain woh burhapey mein ba mushkil sex sey lutf andoz hotey hain aur biwi ko takleef bhi ho sakti hai.

                            Agarcha jinsi dilchaspi aur jinsi sargarmi umr kay sath kuch kam ho jati hai magar khaasi bari ta'adaad mein aisey log mojood hain jo 80 saal kay ba'ad bhi fa'aal jinsi zindagi guzartey hain 60 ta 71 saal kay sehatmund boorhon ki ek research sey ma'aloom hua kay inn mein 40 ta 65% kisi hudd tak ba kasrat mubashrat kartey hain. Ek survey sey ma'aloom hua kay 50 ta 80 saal ki umar mein  Aksar khawateen aur taqreeban tamam mard sex mein dilchaspi rakhtey hain ek research mein sehat mund boorhon jin ki umar 80 aur 102 saal kay darmiyan thi ki jinsi zindagi ka jaeza liya gaya to ma'aloom hua kay unn mein 62% mard aur 30% aurtein ab bhi mubaashirat kartey hain albatta ba'az beemariyan maslan joron kay dard, ser kay dard, doosrey puraney dard, sugar, dil kay amraaz, peeshaab per control ki kami, heart attack, chaati ya bacha daani ka operation waghaera sex sey lutf andoz honey mein kuch rukawat sabit hotey hain. Ba'az adviyat kay istaemaal sey aurton ki jinsi khwahish mein kami ho jati hai ta'hum boorhi aurton ko mardon ki nisbat kam masail ka saamna karna parta hai magar iss kay bawajood khawateen aakhri dum tak sex sey lutf andoz ho sakti hain yeh unki amoomi sehat kay liye mufeed hai.

Read More