BHARPOOR AZDAWAJI LUTF

BHARPOOR AZDAWAJI LUTF

Mukhtalif survey aur tehqeeqaat sey yeh baat samney aaee hai kay 90% mian biwi kay jhagrey ghaer mutawazii mubashrat ka nateeja hain, shaadiyon ki nakaami aur azdawaji jhagron ki sab sey bari wajah jinsi adum itmenaan hai. Khawand ko ilm nahin kay biwi ko kaise mutma'en karna hai aur biwi ko ilm nahin kay mian ko zyada jinsi sukoon kaisey muhayya karna hai. Ek aur research mein 60% mardon ney bataya kay woh unn aurton sey burhum hotey hain, unn per ghussa aata hai aur woh mushta'il ho jatey hain jo sex kay doran thandi hoti hain aur sex mein adum dilchaspi ka izhaar karti hain. Doosri taraf yeh baat bhi samney aaee hai kay woh shaadi jis mein sex bharpoor ho woh zyada khushgawar aur derpaa hoti hai yani jinsi zindagi khushyon ka ek ahem kulya hai. Doosrey alfaaz mein azdawaji zindagi ko khushgawar aur purjosh bananey kay liye sex ka kirdaar bunyadi hai doosri taraf iss baat per bhi taqreeban tamam mahireen muttafiq hain kay khushgawar zindagi ki bunyad khushgawar azdawaji zindagi hai. Quran majeed mein irshad hai kay "phir azdawaji zindagi ka lutf tum inn sey uthao" (al nisa 24) badqismati sey humarey haan aksaryat azdawaji zindagi kay jaez lutf sey bhi mehroom hai. 90% logon khusoosan aurton ko ilm hi nahin kay azdawaji zindagi ko kaisey purlutf banaya ja sakta hai iss kay liye ilm ki zaroorat hai aap sex sex kay barey mein jitni zyada ma'aloomaat hasil karein aur unko istimaal karein azdawaji zindagi khushgawar hogi.
Hazrat Ayesha Siddiqa sey sawal kya gaya kay mard kay liye apni aurat sey jab kay woh haez ki haalat mein ho kis qadar ki ijazat hai farmaya kay uss kay liye sab kuch rawa hai siwaey uss ki sharam gaah kay. (ibn kaseer)
Hazrat Ayesha farmati hain kay mein aur RasoolAllah ek bartan mein ghusal kartey aur hum donon napaak hotey aur aap mujh ko hukum detey pus mein aap ka tehband baandh leti pus lagatey aap apney jism ko merey jism sey yani tehbandh kay ooper ooper aur mein haez ki haalat mein hoti. (bukhari, muslim)
Ahaadees aur Quran majeed sey ma'aloom hota hai kay azdawaji zindagi mein islam mein wazeh tor per teen cheezon ko haram qarar diya gaya hai ek maq'ad, doosra haez aur teesra nifas mein mubashrat.

SHADI KA MAQSAD:

Shaadi kay bunyadi do maqaasid hain nasl e insani ki baqa aur jinsi sukoon ka husool. Sex ka aksar auqaat maqsad aulaad ka husool nahin bul kay lutf o sukoon hota hai aur iss kay liye mubashrat zaroori nahin bul kay jinsi sukoon ko kaee tariqon sey hasil kya ja sakta hai. 
Inn tariqon ko haez, hamal aur bachey ki paeda'esh kay ba'ad aur aam haalaat mein bhi istimaal kya ja sakta hai maslan ba'az auqaat biwi kisi wajah sey nahana nahin chahti. Shaandaar azdawaji zindagi kay liye inn tariqon ki tafseel humari doosri post "Azdawaji Khushyan…Mardo'n Kay Liye" sey dekh lijiyie.  Yeh kitaab chun'kay khawateen kay liye likhi gaee hai iss liye iss mein zyada ter aisi ma'aloomaat fraham ki gaee hain jin ki madad sey biwiyan azdawaji zindagi mein apna kirdaar ada kar sakein gi.

Bharpoor azdawaji khushyon kay hawaley sey fitri tor per mard aur aurat ki tarjeehaat mein farq hai. 'For women, love opens the door of sex, for men, sex is the doorway to love.' Aam mahireen ka khayal hai kay aurat mohabbat aur romance ki khwahaan hai iss kay husool kay liye woh khawand ko sex deti hai jab kay mard bunyadi tor per sex chahta hai, iss kay liye woh biwi sey mohabbat karta hai. Taa'hum ba'az doosrey mahireen ka khayal hai kay aurat bhi sex ki itni hi shauqeen hai jitney mard, farq sirf yeh hai kay mard sex kay liye foran tayyar ho jata hai jab kay aurat ko iss kay liye kam az kam aadha ghanta chahiyie.

BHARPOOR AZDWAJI KHUSHIYON K LIYE CHAND EHAM BATAIN

Bharpoor azdawaji khushyon kay liye zaroori hai kay mian biwi shaadi kay ibteda'ee dino'n hi mein ek doosrey ki pasand, na pasand aur tarjeehaat sey aagaah ho jaein aap apni jinsi zarooriyaat (sexual needs) aur tarjeehaat sey apney khawand ko aagaah karein. Amooman aurton ka khayal hota hai kay mard ko ilm hota hai kay behetren azdawaji zindagi kay liye kya karney ki zarorat hai jab kay mard ko ilm nahin hota. Sex kay tamaam mahireen iss baat per muttafiq hain aur israar kartey hain kay mian biwi ko sex kay hawaley sey apni pasand aur na pasand sey ek doosrey ko aagaah karna chahiyie taa kay donon apni apni pasand ki cheez hasil karlein magar aisa kya nahin jata.
Bul kay bohut sey logon ko to ilm hi nahin hota kay woh sex mein kya chahtey hain iss hawaley sey mard khaas tor per hassas hai woh chahta hai kay uski biwi usey bataey kay woh kya chahti hai khawand biwi ko woh cheez muhayya kar kay bey inteha khushi mehsoos karta hai. Le'haza yeh cheez azdawaji khushyon ki jaan hai kay aap khul kar apney mian ko bataein kay aap kya chahti hain foreplay mein aap ko kis cheez ki zaroorat hai, mubashrat mein app ko kya pasand hai.
Humarey haan ghaer zaroori sharm o haya ki wajah sey donon mian biwi apni pasand, tarjeehaat aur jinsi zarooriyat (sexual needs) sey ek doosrey ko aagaah nahin kartey agar aap ko bhi yehi masla hai to iss ka ek hul yeh hai kay pehley tasawwuraat mein mushq karein yani aap tasawwur karein kay aap apni zarooriyaat sey apney mian ko aagaah kar rahi hain, bari tafseel kay sath tasawwur karein, ka'ee din ki mushq kay ba'ad jab aap tasawwuraat mein batatey huey jhijhak mehsoos na karein to phir haqeeqat mein mian ko apni pasand aur na pasand sey aagah karein yeh guftugoo aap mubashrat kay foran ba'ad kar sakti hain behter hai kay uss waqt karein jab aap donon pursukoon hun, mian ko ilzaam na dein, tanqeed na karein agar aap apney jazbat aur ehsasaat ek doosrey sey chupaein gey to saari zindagi bharpoor jinsi lutf sey mehroom rahein gey.
Agar aap apney mian sey sex kay mozou per khul kar baat nahin kar sakti hain to aap ek aur tariqey sey bhi apni zarooriyat sey khawand ko aagaah kar sakti hain maslan jo cheezein aap ko kam mil rahi hain ya nahin mil rahiin iss hawaley sey mian ko ek khwab sunaein usey bataein kay aap ko khwab aaya jis mein khawand aap kay sath woh sab kuch kar raha tha, jo aap chahti hain.
 Usey tafseel kay sath bataein, usey yeh bhi bataein kay yeh sab aap ko itna acha laga kay aap jaag uthiin iss khwab kay ba'ad agar agley jinsi amal mein aapko yeh sab kuch mil jaey to haeraani ki koi baat nahin. Iss kay elawa aap apney mian ko likh kar bhi apni zarooriyat sey aagaah kar sakti hain, chit uski jaeb mein daal dein, uskay takyay kay neechey rakh dein usey yeh sab cheezein aap ko muhayya kar kay bey inteha khushi hogi. Kisi bhi andaz sey khawand ko apni zarooriyat sey aagaah kartey huey ek cheez ka khaas khayal rakhein kay jo cheezein woh karta hai aur aap ko pasand hain unn kay hawaley sey usey bataein kay woh cheezein aapko bey panaah lutf deti hain, woh cheezein aaenda aapko zyada mileingi, jo cheezein aap chahti hain magar hasil nahin hotiin kyun kay aap ney khawand ko bataya hi nahin iss hawaley sey iss tarah baat karein kay jaise woh aap ko pehley hi mil rahi hain maslan aap chahti hain kay mian zyada der tak aap kay nipples choosey to aap usay bataein kay guzishta raat ya parson uss ney aap kay nipples ko zyada der tak choosa to aap ko bey panaah lutf aaya, umeed hai kay aaenda woh aisa hi karega. Mohabbat ki devi woh biwi banti hai jo apney jism kay asrar o ramooz sey khud poori tarah aagaah ho aur inn asrar o ramooz sey apney mian ko aagaah karey. Apney aap ko janney ki mushq "biwi ka apney jism ko jan'na" waley hissey mein di ja chuki hai.
Taa'hum agar sex kay hawaley sey khul kar baat karni mushkil hai likhna bhi aasaan nahin phir ek aur tariqa ikhtiyar kya ja sakta hai kay jinsi amal kay doran apni pasand ki position khud hi ikhtiyar karein jinsi amal aur foreplay kay doran pasandeeda amal per khushgawar aawaazein nikalein, aahein bharein, karaahein, ghurraei'n, cheekhein, chillaei'n, khawand samajh jaega kay yeh amal aap ko pasand hai to phir woh aaenda aisa hi karey ga.
 Agar khawand koi aisi cheez kar raha hai jo aap ko na pasand aur takleef deh hai to behtarin tariqa yeh hai kay aap usko lutf angaez cheez ki taraf ley jaein aap uss kay hath ko pakrein jahan aap chahti hain wahan ley jaein to woh foran samajh jaey ga kay aap ko kya pasand hai to phir wahi karega. Mian ko bataein kay guzishta raat humney mubashrat ki, meiney sex ko bohut enjoy kiya magar mein orgasm hasil na karsaki, iss sey mujhey mayoosi hui mera khayal hai kay orgasm kay liye mujhey clitoral stimulation (bazer kay ishtiaal) ki zyada zaroorat hai, taa'hum aap kisi aisi cheez ka mutaliba na karein jis sey aap kay mian ko bey aaraami aur takleef ho aur uss kay sath koi bhi aisa amal na karein jo woh nahin chahta, sex ek qeemti cheez hai jo mohabbat kay doran do log ek doosrey ko de saktey hain.
         Apni pasand aur zarooriyat bataney kay foran ba'ad mustaqil tabdeeli ki tawaqqa na rakhein aur pareshan na hun kyun kay tabdeeli kabhi raaton raat nahin aati maslan aap chahti hain kay aap kay mian zyada bos o kinar (kissing) karein, wa'adey kay bawajood woh bhool sakta hai kisi bhi purani aadat ko chorna mushkil hota hai shayad aap ko bar bar yad dahani karani parey gi magar yeh yad dahani mohabbat aur sukoon kay sath karaein na kay tulkhi kay sath, phir tabdeeli aa jaegi. 

        Apney aap sey bhi yeh sawal poochein: kya aap apney khawand ko waqa'ee mutmain karti hain? Agar jawab nahi mein hai to bhi pareshan na hun, uski zaroorat, pasand, na pasand aur tarjeehat jaanein kay aap ka khawand aap sey kya chahta hai phir wohi kuch aap usko dein woh aap ki pooja karey ga.